Sabha Me Itni Bhid

Iss sabha me aaj itni bhid kyon hai
Tirange me lipta hua ye veer kyon hai

Dushmano ko maut ki nind sulane wala
Khoon se lath-path usi ka sharir kyon hai

Jinhe Azadi ka zashna manana tha is varsh
Aaj unka chehra shok se gambhir kyon hai

Kab tab in lashon pe desh shok manayega
Abhi bhi inke pairon me ye zanjeer kyon hai

Karte hain humse vaade hazar dushman humare
Har bar apne vado se jate ye fir kyon hai

Sharahad pe ladne walo ki ye halat dekhkar
Sine me tez chubhta ye teer kyon hai

Lakh samjh lo apne dil ko magar
Aakhon se jahr jhar bahta nir kyon hai