Samay se pahle bhagya se jyada kahan kisi ko mila hai

Samay se pahle bhagya se jyada kahan kisi ko mila hai
kahin pe banzar dharti dekho,kahin pe phool khila hai

Is duniya me aaye the hum sab ek saman
koi fakir rah gaya,koi ban baitha dhanwan
dhanwano ka gat to dekho,khandhar unka kila hai
Samay se pahle bhagya se jyada kahan kisi ko mila hai

Sari umar lage rahe par laga nahi kuchh hath
koi palak jhapakte hi sab le gaya apne sath
palak jhapakte yahan sabkuchh badle,ye bhi teri lila hai
Samay se pahle bhagya se jyada kahan kisi ko mila hai

Utna hi mil payega jitna likha vidhi ka vidhan
Niyati ko koi badal na paya,samajh le re nadan
Niyati se mache uthal-puthal,patta patta hila hai
Samay se pahle bhagya se jyada kahan kisi ko mila hai

Samay se pahle bhagya se jyada kahan kisi ko mila hai
kahin pe banzar dharti dekho,kahin pe phool khila hai

Tere name se mohabbat main kar baitha

Tere name se mohabbat main kar baitha
Dilo-jaan se mohabbat main kar baitha

Dil diwana tha magar
Yaisa hua tera asar
Teri yaadon me khoya
Sari raat na soya
Gaya kaam se mohabbat main kar baitha
Dilo-jaan se mohabbat main kar baitha

Tere name se mohabbat main kar baitha
Dilo-jaan se mohabbat main kar baitha

Dekh teri nazaron ka pyala
Bin piye jhoome matwala
Teri gali me ghumu
Tere gal ko chumu
Ek jaam se mohabbat main kar baitha
Dilo-jaan se mohabbat main kar baitha

Tere name se mohabbat main kar baitha
Dilo-jaan se mohabbat main kar baitha

Sainiko ke name ek sandesh

MERI VYATHA

Pyar Mohabbat

Ye tere roop ka darpan nahi
Meri aakhon ka bas jhasa hai
Kahti ho jisko tum pyar mohabbat
Kuchh aur nahi bas ye khel tamasha hai

Tum jo ho waisi kabhi dikhti bhi to nhi
Kisi ek ke pass tum tikati bhi to nahi
Dekha hai maine dusro ki yaad me tumhe jalte hue
Kayi nauka par hokar sawar chalte hue
Kitni mahir ho tum iss khel me
Koi nauka tumhari dubti bhi to nahi
Fir bhi tere hi jeevan me nirasha hai
Kahti ho jisko tum pyar mohabbat
Kuchh aur nahi bas ye khel tamasha hai

Khush to hum tere bin bhi the
Maze se gujar rahe mere din bhi the
Khud se tha pyar,ye kya magar kar baitha
Apne hi aap se dushmani kar baitha
Teri aag me main jalta hi chala gaya
Aag se khelne ke hum saukeen bhi the
Ab har koi deta dilasha hai
Kahti ho jisko tum pyar mohabbat
Kuchh aur nahi bas ye khel tamasha hai

Kaun chalta hai sath umar bhar ke liye
Humne dil toda bhi to ek pathar ke liye
Tujhe parakhna tha,so parakh liya
Apna dil tod ke rakhna tha,so rakh liya
Tere khat ka intezar mujhe bhi rahega
Kabhi apni kabhi teri khabar ke liye
Bas yahi tumse aakhiri aasha hai
Kahti ho jisko tum pyar mohabbat
Kuchh aur nahi bas ye khel tamasha hai

DOSTI

Ek din ke liye fir jee lete hain

Wo mauz wale din

Wo Ranchi ki yaaden

Wo Badshah lodge wale din

Aaj kisi gum me khona nhi hai sathi

Aaj raat fir sona nhi hai sathi

Socho waqt aage badha hi nhi

Dosti ke baad aur koi nasha chadha hi nhi

Biti baaton ko yaad kar rona nhi hai sathi

Ek din ke liye fir jee lete hain

Wo Lalu block wale din

Wo Purulia road ki yaaden

Wo lalpur chowk wale din

Dosti ka wo zamana laut aaya hai

Gayab hua wo dost purana laut aaya hai

Socho ek sath kaise rahte the hum

Jheel me rahkar bhi dariya sa bahte the hum

Lagta hai Samandar se khazana laut aaya hai

Ek din ke liye fir jee lete hain

Wo bina kundi ke darwaza wale din

Wo Sandhya,Sujata ki yaaden

Wo Mini Sujata,Plaza wale din

Ab to jhuthi baaton se dil bahlan lage

Achchhi boli bol kar sabhya kahlane lage

Par doston ke liye zuban par lagam nhi hota tha

Bina gali diye dua salam nhi hota tha

Ab salo baad mile hain to sab sharmane lage

Ek din ke liye fir jee lete hain

Wo Gali galauz wale din

Wo Ranchi ki yaaden

Wo Badshah lodge wale din

Jo bit gaya use jane do

DARD - 2

Dar Lagne laga hai ab raaston par
kahin unse mulakat na ho jaye
unse kuchh bolu ya nazare fer lu
yaise halat na ho jaye

Ruthne manane ki ab umar rahi nhi
Unhe hamari,hume unki fikar rahi nhi
Humm unse kabhi muh bhi mode lenge
Ye baat bhi gale se utar rahi nhi

Tujhe khone ka dar lagta hai mujhe
Ab to khula asman bhi apna ghar lagta hai mujhe
Mujhe ummidon ki kiran kahin kyon nazar aati nhi
jabki Roshni se chakachaundh ye shahar lagta hai mujhe

Mere hoth sile hain, khol pata to kah deta
Drad kiska jyada hai, tol pata to kah deta
Mazboor-e-dil ko sirf sunane ki aadat hai
Kash ye kuchh bol pata to kah deta

Mera dil todne ka,koi apne sar ilzam le le
Meri khushi,mera subah,meri sham le le
Khushi se fir dil laga lunga dobara
Bas is bar dard kam hone ka name le le

Dil to dil tha magar
Zarra zarra jal gaya hai ye
Ab to log bhi kahne lage hain
Badal gaya hai ye
Main to kahta hoon har bar chot khakar
Ab khud hi sambhal gaya hai ye

Bematlab ki mohabbat ko khatam karke dikhaynge
Dil ke dard ko kam karke dikhayenge
Ishq to sabne kiya hoga
Kuchh alag karke hum dikhaynege

Aatanki Humla

Hua ek aur aatanki humla

Bharat ek bar fir se dahla

Sena ke kuchh log shaheed hue hai

Har ore chikh-pukar machi hai

Padosi hi hai wo apna

Jisne humle ki shajish rachi hai

Kahin fir koi god suni hui

Kahin kisi ka fir ghar jala

PM ji aapne kaha tha,

1 ke badle 10 sir kat layenge

Kisi aatanki ko nahi chhodenge

Sabko maut ke ghat layenge

Apne har jawan ki maut ka 

Hum kab lenge badla

TV par fir bahas chalega

Zor zor se sab chikhenge

Humko tumse jyada hai desh ki fikra

TV par kahte fir sab dikhenge

Yaise netaon ke bahas se

Ab nhi hoga desh ka bhala

Tum humpar humle karo

Hum cricket nhi khelenge

Dashako se yaisa hi hota aaya hai

Ab hum ye sankat nahi jhelenge

Puchh lo ek bar unse hi

Kaun sa nishana hai agla

Jawanao ki shahadat par

Aaj Desh bahut gam me hai

Har koi aaj vichalit hua hoga

Thoda hi sahi sab Matam me hai 

Bahut ho chuka,ab kuchh kijiye

Kah raha hai ye pagla