Kejriwal hoon main

Bhrashtachar se ladte ladte
khud Bhrashtachar karne laga
aaye the satta me bade jor-shor se
Khud apna hi ghar bharne laga
Uljha hua sawal hoon main
Ha Kejriwal hoon main

Anna to wahin rah gaya
Main hi bahut aage nikal gaya
Wo jo kuchh mere sath badal na paye
Kahne lage ki main hi badal gaya
Rajniti me ek bhuchal hoon main
Ha Kejriwal hoon main

Logo ko murkh bana kar
khud ko satta tak pahuchaya
Kabhi Modi ji ne kuchh karne diya nahi
Kabhi chah kar kuchh kar na paya
Nikkmepan ki misal hoon main
Ha Kejriwal hoon main

Pahle sab par aarop layaga
TV par bhi bade jhoot maine bole
Unko fir se murkh banaya
Jo lagte the dikhne me bhole
Iss yug ka jawahar lal hoon main
Ha Kejriwal hoon main

Sab bhrashtachar me aage the
Lo maine bhi bhrashtachar kar diya
Pahle jungleraj ka matlab Bihar tha
Lo maine Delhi ko Bihar kar diya
Pura ka pura bawal hoon main
Ha sahi pahchane,Kejriwal hoon main

Ek Aur Ghotala

Iss ghotale me kayi hissedar hain
Jinhone hisse khaye hain
Ve hi dikhte immandar hain

Pani ki tarah bank se loan bahe
Jo kabhi kuchh bole nahi,unse kaun kahe
Aap ki imaandari par bhi ungli uthegi
Sawal ki izzat bachkar,aap kyon maun rahe
Kya yah nahi bhrashtachar hai

Hum to bas iss baat se dare hain
Wo jo kuchh bhi bank me pade hain
Apna hi paisa nikalne ke liye
Lambi lambi katar me khade hain
Humse jyada to wo hi samajhdar hai

CBI ka upyog ab khas hoga
Bade jode-tode se uska talash hoga
Ek hum hain jo har mahine tax dete rahe
Ye soch kar ki desh ka vikas hoga
So raha apna chaukidar hai

Sawal uthenge ghotala kiske kal hua
Janta ke paise se kaun kitna malamal hua
Sab apna aman saf bata rahe hain
Fir kiske kal me ye golmal hua
Abhi bhi jawab ka intezar hai

Iss ghotale me kayi hissedar hain
Jinhone hisse khaye hain
Ve hi dikhte immandar hain