DARD

Kash hum apni kavita tumhe sunaye na hote
Aur ye aasu tumhari aakhon me aaye na hote

Jab dur humse jana hi tha
To iss tarah dil tumse lagaye na hote

Rishton ko wafa se nibhana asan nehin
Warna duniya me log paraye na hote

Zindagi ko dekh liya humne kareeb se
Log hume itna agar sataye na hote

Zindagi ne ab tak sath diya hai mera
Hum agar pyaar se muskuraye na hote

Mumkin nehin tha unhe pahchan pana
Agar unko apne kareeb paye na hote

Tumhe khone ka ehsas ab nhi hota sayad
Zindagi me itne dost kamaye na hote

Main Khush Nehin Tha

Aaj achanak wo aa gayi mere samne
Main kahne laga apne aap me
Tum mere samne naa aati to achchha hota
Mujhe apni shadi ki khaber na sunati to achchha hota
Per sunker uski shadi ki khaber
Main khush nehin tha.

Uske mathe pe laga dekh wo lal sindur
Main thaga sa khada raha usse kuchh door.
Fir bhi apne gamo ka ghut pite hue
Main uske paas chala hi gaya kuchh sochte hue
Pahli baar yaisa hua ki uske paas jakar
Main khush nehin tha

Wo chali gayi mujhe wahi chhod kar
Chahta tha ki usse wapas bula lu hath jodker
Per maine liye apne hoth sil.
Lo aaj tod liya maine apna hi dil
Aaj apna hi dil todker
Main khush nehin tha.

Kahna sunna tha usse bahut sari bate
Mujhse baat kiye bagair kaise katogi ab rate
Usse jaate hue dekh raha tha main akhiri baar
Aakhen meri dekh rahi thi usse hi baar baar
Usse jate hue dekhkar
Main khush nehin tha.

Khoya Rahta Hoon Main Khayalon Me Aapke

Rato ko nind ab mujhe aati nhi
Khoya rahta hoon main khayalo me aapke
Jabse dekha hoon main aapko
Khoya rahta hoon main khayalo me aapke.

Rah rah kar aapka chehra
Aa jata hai mere aakhon ke aage
Kahin meri aakhen band na ho jaye
Ye sochkar hum raat bhar jage
Apko hi dekhta raha rato ko jag ke
Khoya rahta hoon main khayalo me aapke.

Dil chahta hai ki aapki julfon me
Chupa loon main apna chehra
Meri aakhon per rahe hal pal
aapke hi julfon ka pahra
Kahan jau main aapki julfo se bhag ke
Khoya rahta hoon main khayalo me aapke.

Yaron ki mahfil me kuchh ho na ho
Apki baten hoti hai zaroor
Pal do pal ki khushiya de kar mujhe
Kahin aap ho na jaye meri nazron se door
Iss darr se rah jata hoon main kaap ke
Khoya rahta hoon main khyalon me aapke.

Ab Apni aakhen kholo zara
Apni zuban se do sabd bolo zara
waqt hai kam milan apna hone do
Apko pukaru ya main khud chala aau
Mara hoon main iss waqt ke halat ke
Khoya rahta hoon main khyalon me aapke.

Talash

Dhundhne chala tha atit me main apne pyar ko
kuchh panne mile hain,abhi pura itihas baki hai

jin rahon pe hum kabhi mile the bichhde the
usi rah me abhi karna talash baki hai..

tere har kasmo vado ko hum nibahyenge
iss sharir jab tak ye sas baki hai..

Mar to main kab ka chuka hoon..
zinda hone ka bas ehsas baki hai..

Tere jate hi mera sab kuchh chala gaya..
jana to ab meri lash baki hai..

Ye duniya mit jayega ek din,na honge iske namo-nishan
Mitna to bas iss dil ki pyass baki hai

Humne Haar Kahan Mani Hai

Jeetna hai hume, ye kasam sabhi ko khani hai
Abhi humne haar kahan mani hai.

Halat lakh musibate pragati ke path per lata hai.
Lekin is se mann ka biswas nehin dagmagata hai.
Jab mann me ho kuchh pane ki prabal ichchha.
Kathnai Jitni marzi chahe le le pariksha.
Aakohon me hai aasha, dil me bhari jawani hai.
Abhi humne haar kahan mani hai.

Asafalta milegi, ye soch kar kabhi na ghabrana tum.
Shangharshon ka maidan chhod mat bhag jana tum.
Har cheez mil jati hai dil se mangne per.
Sare raste nikal ayenge tumhare chahne per.
Raste kaise niklenge bas itni si pareshani hai.
Abhi humne haar kahan mani hai.

Pahle sabit karo khud ko, Manzil pane se pahle rukna nehin.
Pani bhi pine ke liye jalashay per thahrana nehin.
Nakami hath aayegi yaisa hoga nehin hoga bar bar.
Jab tak na mile safalta koshish karte raho lagatar.
Safalta pane ke liye hume har kimat chukani hai.
Abhi humne haar kahan mani hai.

Tum me hai sahas, apni takdir badal sakte ho.
Jab Sikhar ho pass tab bhi tum fisal sakte ho.
Samne dekho door nehin hai tumhari manzil.
Dono hath badhaker use tum kar lo hasil.
Khoj lenge moti sagar me, to kya hua yahan gahara pani hai.
Abhi humne haar kahan mani hai.

Kal Raat Main Fir Se Roya Hoon

Jinke sath kabhi dekha karte the sapne.
Jinko kabhi kaha karte the apne.
Sab humse aage nikal gaye.
Main wahi khada hoker akela.
Pal pal apno ko khoya hoon.
Kal raat main fir se roya hoon.
Sari raat nehin main soya hoon.

Aashaon ka bhojh ab sah na paunga.
Yaise hal me ab rah na paunga.
Sabne jo ummide bandh rakhi hain mijhse.
Ab tak un ummido ka bojh main dhoya hoon.
Kal raat main fir se roya hoon.
Sari raat nehin main soya hoon.

Faisla maine hi liya tha, iss rah per chalne ko.
Fasle bhi mujhe hi tay karne honge, manzil pane ko.
Kami mujhme bhi hogi, samajh sakta hoon main.
Tabhi to ghutne bhar pani me apni nau duboya hoon.
Kal raat main fir se roya hoon.
Sari raat nehin main soya hoon.

Lagta hai meri kismat hi mujhse ruthi hai.
Har nakami ke baad, ek nayi suruaat kabhi nehin chhuti hai.
Har or se na-na sun sun ker.
Kayi bar main apni aankhe bhigoya hoon.
Kal raat main fir se roya hoon.
Sari raat nehin main soya hoon.

Tumhare Bina Main Kaise Rahta Hoon

Is se jyada aur main kya liku ki
Tumhare bina main kaise rahta hoon

Tum Sath Thi To Zamana Tha HumSafar Mera
Magar Ab Koi Nhi Mere Sath
Chalta hoon main apni tanhai ke sath
Itna to tumhe bhi pata hoga
Tanhai ki iss aandhi me main
Sukhe patton ki tarah yahan se wahan
Charo disaho me main bahta hoon
Is se jyada aur main kya liku ki
Tumhare bina main kaise rahta hoon

Tanhai jab muqaddar me likhi hai
To fir main kyon rakhu
Fir se ek hone ki aakhiri ummid
Thodi galtiya mujhse bhi hui hongi
Tumne chhodi nehin hume aazmane ki zid
Tumhare berukhi ki saza
Har din har pal main sahta hoon
Is se jyada aur main kya liku ki
Tumhare bina main kaise rahta hoon

Kabhi to apni baat hogi
Kabhi to apni mulakat hogi
Uss samay mujhse nazare milaogi kasie
Tum par main yahin karu
Ye yakin dilaogi kasie
Jo main aaj tak na kah saka tumse
Lo aaj main kahta hoon
Is se jyada aur main kya liku ki
Tumhare bina main kaise rahta hoon

Hume Mil Gayi Hai Azadi

wo kahte hain hume mil gayi hai azadi
Jo rahte hain uche makano me...

Unke uchi makano ko banane me
Jane kitno ne apni jaan gawayi hain
Un lasho ka kya hoga yahan
Jo bikhren hue hain shamshano me
Wo kahte hain hume mil gayi hai azadi
Jo rahte hain uche makano me...

Tera bhi khun lal hai,mera bhi khun lal hai
Dharm aur jati me bati manavata ka bura haal hai
Baat ko samjhe bina,aapas me kyon ladte hain
Manavata ka ho bhala,kaam kabhi nehin karte hain
Lage hue hain manavata ka namonishan mitane me
Wo kahte hain hume mil gayi hai azadi
Jo rahte hain uche makano me...

Sannate ki jab aati hai aahat
Chehre se gayab ho jati hai muskurahat
Aasoon chhalkane se pahle hi jate hain sukh
Koi nehin samajhne wala hai inka dukh
Dard hi dard chhupa hai unke muskano me
Wo kahte hain hume mil gayi hai azadi
Jo rahte hain uche makano me...

Apno ka qatal ab kar rahe hain apne
Apno ke hath mar rahe hain apne
Maut ke saudagar,kuchh to ab karo sharm
Tum bhi insan ho,kya ye insan ke hain karm
Kya insaniyat khoj paunga main in mitti ke insano me
Wo kahte hain hume mil gayi hai azadi
Jo rahte hain uche makano me...

Hairan Pareshan

Iss bhag daur ki zindagi me
Log milte hain
Do kadam sath chalte hain
Aur bichhad jate hai.
Fir ek dusre se milte hain
Hoker anjaan
Aur main dekhta rah jata hoon
Hairan pareshan.

Dekha hai maine logo ko
Dusro se jalte hue,
Apno ke kandho per rakhkar pair
Aage nikalet hue.
Fir bhi samne aakar bante hain mahan
Aur main dekhta rah jata hoon
Hairan pareshan.

Dekha hai maine logo ko
Badalte hue
Apno se bach kar
Dusri ore nikalte hue
Unke liye bach niklana hi hota hai asan
Aur main dekhta rah jata hoon
Hairan pareshan.

Jeevan ke iss chaurahe pe
Mil jaynge apko sathi hazaro
Sath chhod kar sare chale jayenge
Chahe lakh unko pukaro
Apke taraf denge nhi wo dhyan
Aur main dekhta rah jata hoon
Hairan pareshan.

Apni dukho se nhi
Dusro ki sukho se sisakte hain.
Apse alag alag hi rahte hain
Lekin samne wo chale hi aate hain
Chehre pe liye kutil muskan
Aur main dekhta rah jata hoon
Hairan pareshan.

Fir Teri Kahani Yaad Aayi

Humne unke dil ko bhi ajmaya tha
Unke dil per apna jadoo chalaya tha
Aaj mere hi samne gairo se baat karti hai wo,
Ab jinko nehin rahi zarurat humse
Kabhi unko bhi hui thi mohabbat humse

Duriya badh gayi hai hamare bich
Wo jo hua karti thi mere sabse kareeb
Wo aaj mere bina kaise rah leti hogi,
Palhe jinhe milta tha rahat humse
Kabhi unko bhi hui thi mohabbat humse

Jin hatho me apni kismat dekha karte the kabhi
Unme mehndi ke rang lage hue hain abhi
Wo kahte hain ki ab unhe nhi chahat hamari,
Aaj jo chhupaya karti hain chahat humse
Kabhi unko bhi hui thi mohabbat humse

Humne kabhi ki nhi kisi ki parwah
Dil tod kar bas chalte rahe apni rah
Aaj wo baat baat pe dil deti hai tod,
Sikh liya hai jinhone ye aadat humse
Kabhi unko bhi hui thi mohabbat humse

Mujh per hi kyon tuta hai ye kahar
Mere pyarr me kyon na raha wo asar
Aaj mujhse hi chura leti hai wo nazar,
Wo jo nazre chura kar chalte hain humse
Kabhi unko bhi hui thi mohabbat humse

Ajeeb Baat

Jo pana tha mukam,hum wo mukam pa na sake
Tanha rah kar bhi hum tumhe bhula na sake
Ek hum hain,jisne sabka dil bahlaya hai
Ajib baat hai ki hum apna hi dil bahla na sake

jo the nashe me chur,unhe hum hosh me la na sake
Jo ho gaye the humse door,unhe hum paas la na sake
Bichhad kar bhi aapas me fir mil lete hain log
Ajib baat hai ki hum logo ko fir Mila na sake

Jo khushiyan mili,us se hum apna aagan saza na sake
Nazar se door hokar bhi,dil se door ja na sake
Maine hi tham rakha tha kashti ko toofan-e-samandar me
Ajib baat hai ki hum kashti ko dubne se bacha na sake

Likhi thi jo aakhiri kavita,unhe suna na sake
Rah jo unse mila sakti thi,wo rah bana na sake
Dusro ke gunah ungliyon pe ginaya karte the
Ajib baat hai ki apne gunah hum ungliyon pe gina na sake

Tanhai

Jab aaya tha iss shahar me naya naya,
Raha karta tha bas khoya khoya
Ek sachche sathi ki talash me
Din bhar firte rahte the
Bas tumko hi dekha karte the
Ye sochkar ki yahan mujhe
Janta hai koi…

Jitna jyada hasa karte the pahle
Ab utna hi rahte hain sahme sahme
Shor sharabe se dur hi rahta hoon main
Band kamre me apne aap ko rakhta hoon main
Aksar akele me hasi aa jati hai mujhe
Ye soch kar ki dekhkar yahan mujhe
Muskurata hai koi…

Ghar ke andar se hi aasman ko dekhta hoon main
Ye wahi aasman hai jo tumhe bhi dhkta hoga
Suraj se hi baat kiya karta hoon main
Isi suraj ki roshni tum tak bhi jati hogi.
Achanak kisi pe padte hi nazar
Khidki ke pardo me chehra chhupa leta hoon main
Ye soch kar ki yahan mujhe
Ghurta hai koi…

Jab tumahri yaad aati hai to,hoti hai muskil
Aankh bahr aati hai,bas jaan hi nehin jaati hai
Chehre pe muskurahat sayad hi kabhi aati hai
Koshish karunga ki apni kano ko bhi band rakhu
Adhi raat ko kahin nikal na jau main ghar se bahar
Ye soch kar ki yahan mujhe
Pukarta hai koi…

Ek wo din tha,
Aur ek ye aaj ka din hai
Iss virane me kitna akela hoon main
Isliye aina dekh khush ho jata hoon main
Ye sochkar ki yahan mujhe
Pahchanta hai koi…

Yadon Ka Mausam

Nehin bhul paunga main tumhe iss janam
Dil me fir aaya hai teri yadon ka mausam.

Wo Humari pehli mulakaat ka manzar
Jab sham dhalte tum chhat par aayi thi
Meri bebas aakhen tumhare raste pe thi
Aur sath me mere, meri tanhai thi
Kuchh dhundla sa badal tha wahan
Aur tumhare khyalon me khoye the hum
Dil me fir aaya hai teri yadon ka mausam.

Wo har ek aahat pe
Dil mera kuchh ghabraya tha
Tum ab tak nehin aayi thi
Aur Sham dhalne ko aaya tha
Kahin saji thi yaro ki mahfil
Aur yahan meri aakhen thi nam
Dil me fir aaya hai teri yadon ka mausam.

Aage ki rah asan nehin thi
Milo ka fasla aur mera badhata hua nirasha
Tumhari reh-gujar me
Main khud ban gaya tha tamasha
Bah gaya tha sara shahar uss din
Main roya tha ya hui thi barsat jhamajham
Dil me fir aaya hai teri yadon ka mausam.

Ha uss din mera hi dil tuta tha
Tumhe Kyon nehin iski gunj sunai di
Main hi paglo ki tarah has raha tha wahan
Aur logon me aake mujhe badhai di
Zindagi ka ab kya hai bharosa
Har lamha sanse ho rahi hai khatam
Dil me fir aaya hai teri yadon ka mausam.

Nehin bhul paunga main tumhe iss janam
Dil me fir aaya hai teri yadon ka mausam.